Irutxuloko Hitza

HITZArekin, asteburupasa Arabara

Zozketa

Irutxuloko Hitzak landa etxe batean asteburu pasa zozketatu du eta Julen Egaña añorgatarra izan da sariduna.

erredakzioa

IRUTXULOKO HITZAk zozketa egin du harpidetza helbideratuta zutenen edo egin berri den kobraketa kanpainaren harira helbideratu duten harpidedun ordaintzaileen artean. Julen Egaña Albisu añorgatar gaztea izan da sariduna; asteburua pasatu ahal izango du Arabako landa etxe batean, Murua herrian hain zuzen ere.

Realaren albisteen zain

Sorreratik da Julen Egaña IRUTXULOKO HITZAko harpideduna, eta egunero-egunero begirada botatzen dio. 17 urte besterik ez ditu, baina harpidetza bere izenean dago. «Merezi du IRUTXULOKO HITZA etxean jasotzea. Oso gutxi ordaindu behar da, zentimo gutxi batzuk besterik ez, eta euskarazko prentsa sustatu behar da».

Kirolzalea da Julen, eta batez ere Realari buruzko informazioa gustura irakurtzen duela dio. Maddik ere, Julenen arreba txikiak, ikastolan irakurtzen du IRUTXULOKO HITZA

Azterketen emaitzen zain

Oraindik ere erabakitzeke dute zein joango den Arabako landa etxera. «Gurasoek esan didate saria pizgarri moduan hartu behar dudala hasi berri diren azterketei begira. Hau da, ondo egiten baditut...» Bestela, akaso haren gurasoak beraiek gozatuko dute asteburua Araba aldean.

Murua herriko landa etxera joaten dena joaten dela, gozatu dezatela.